E kthimi në futboll ishte krejt rastësor, e këtë herë për të ideuar e themeluar një klub të ri, natyrisht bashkë me kolegë e bashkëpunëtor.

Gjatë rrugëtimit tonë, për këtë kohë të shkurtër kemi përjetu shumë emocione, kemi ndërtu raporte ndër njerëzore e profesionale me shumë miq e kolegë!

KF Prishtina e Re pa asnjë dyshim është super sukses storje, për të cilën ndihem shumë krenar.

Jam shumë i lumtur me secilin vendim të marrë në klub, me futbollistët, stafin, bashkëpunëtorët e me pronarin e klubit i cili na e besoi menaxhimin dhe nuk u kursye asnjëherë për të përmbushur gjithçka që patem nevojë.

Në vitin debutues në Ligën e Parë, bëm një super sezonë, ku me pak më tepër fat dhe ’futboll në fusha’ do të ishim kampionë.

Fituam barazhin e Ligës së Parë, i cili na dhuroi një ndeshje spektakolare, të pa parë deri më tani, ndërsa dje u ndëshkuam në frymën e fundit edhe pse dominuam ndeshjen.

Natyrisht një humbje e tillë dhemb, por ky është futbolli! Kemi mësu shumë nga kjo eksperiencë, e ky sezonë.

Jam shumë krenar e i lumtur me të gjithë stafin, futbollistët, bashkëpunëtorët e tifozët tanë.

Ky klub ka një super projekt, andaj Prishtinën e Re do t’a keni shpejtë klub elitar.

Do të vazhdojmë edhe më të fortë, të pastër e me dinjitet!